AFFA Azərbaycan Premyer Liqasında çıxış edən klubların hər birinə dəstək məqsədilə növbəti dəfə 15 min manat maliyyə vəsaiti köçürüb.
XəbərAl.az qurumun saytına istinadən xəbər verir ki, ödəniş koronavirus pandemiyası ilə əlaqədar Azərbaycan Premyer Liqasında çıxış edən klubların məşqçi və futbolçu heyətinin AFFA-nın tibbi protokoluna uyğun müvafiq testlərdən keçirilməsi, ehtimal olunan yoluxmaların qarşısının alınması üçün sanitar-gigiyenik prosedurlara riayət olunma prosesinin dəstəklənməsi və sürətləndirilməsi məqsədilə edilib.
2020-2021 ci il mövsümündə Azərbaycan Premyer Liqasında çıxış edən 8 klubun hər birinə 41 min manat olmaqla COVİD-19 pandemiyası ilə bağlı ümumilikdə, 328 min AZN maliyyə vəsaiti dəstək olaraq köçürülüb.
XəbərAl.az
