İdman

Bakı Olimpiya Stadionunun ərazisində xarı bülbül əkildi

Sharing is caring!

Bakı Olimpiya Stadionunun (BOS) ərazisində 44 günlük Vətən Müharibəsinin zəfər simvolu olan xarı bülbül gülü əkilib.

Bu barədə “Report”a BOS-un Mətbuat katibi Fərid Əsadzadə məlumat verib.

Onun sözlərinə görə, bitkiləri Şuşaya səfər edən dostları gətirib: “Ərazidə 3 ədəd xarı bülbül əkmişik. Amma onların yerini dəyişdirməyi düşünürük. Məqsədimiz gülü daha yaxşı mühafizə olunan əraziyə yerləşdirməkdir. Çünki Bakı küləkli şəhərdir. Bilirsiniz ki, xarı bülbül hər yerdə bitmir. Bitkinin buranın iqliminə uyğunlaşıb-uyğunlaşmayacağını bilmirik”.

Stadion rəsmisinin sözlərinə görə, gülləri qoruyub saxlaya bilsələr, sayı daha da artırılacaq: “Əvvəlcə onların burada qalacağından əmin olmalıyıq. Bunu bacarsaq, gələcəkdə xarı bülbülün saytını artırmaq ideyamız var”.

XəbərAl.az

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir