Bu gün Azərbaycan Qran-prisində növbəti yarışlar keçiriləcək.
Oxu.Az xəbər verir ki, həm “Formula-1”, həm də “Formula-2”də sprint təşkil olunacaq.
Azərbaycan Qran-prisində ikinci günün proqramı:
12:30. “Formula-1” – “Sprint Shootout” (təsnifat)
15:00. “Formula-2”də əsas sprint yarışı
17:30. “Formula-1”də əsas sprint yarışı
Qeyd edək ki, ötən gün “Formula-1”də “Red Bull” pilotu Maks Ferstappen birinci sərbəst yürüşdə, “Ferrari”dən Şarl Lekler sıralama turunda lider olublar.
İkinci dərəcəli pilotlarda isə “Prema Racing”dən Oliver Birman hər iki mübarizədə rəqiblərindən üstün olub. Azərbaycan Qran-prisi aprelin 30-da başa çatacaq.
Xeberal.az
