İdman

Ronaldu DÇ-2022-dəki favoritini açıqladı

Sharing is caring!

Portuqaliya millisinin futbolçusu Kriştianu Ronaldu Qətərdə keçirilən dünya çempionatındakı favoritini açıqlayıb.

37 yaşlı hücumçu “Mirror” nəşrinə müsahibəsində Fransa millisinin titulu qazanmağa daha iddialı olduğunu bildirib.

Təcrübəli forvard hesab edir ki, “xoruzlar” mundialın qalibi, Kilian Mbappe isə ən yaxşı oyunçusu olacaq.

O, İngiltərə millisinin DÇ-2022 ilə vidalaşmasına da toxunub: “İngilislər Fransaya qarşı 1/4 final matçında çox yaxşı oynadılar. Düşünürəm ki, onlar da Braziliya ilə eyni aqibəti yaşadılar. Kiçik detallar sonda görüşün gedişinə təsir etdi. Amma İngiltərə yığması sərgilədiyi oyunla fəxr etməlidir”.

Qeyd edək ki, Portuqaliya yığması 1/4 finalda Mərakeş seçməsinə 0:1 hesabı ilə uduzaraq, mübarizəni dayandırıb. Mundiala dekabrın 18-də yekun vurulacaq.

Xeberal.az

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir