Bakı şəhəri, Binəqədi rayonunda ümumi sahəsi 170 m² olan ikimərtəbəli 7 otaqlı evin birinci mərtəbəsində mətbəxin yanar konstruksiyaları və əşyaları 10 m² sahədə yanıb, yüksək temperaturdan dəhlizin lambirindən ibarət tavanı 25 m² sahədə əriyib.
Fövqəladə Hallar Nazirliyindən XeberAl.az-a verilən məlumata görə, evin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.
