Bakının Nərimanov rayonunda soyğunçuluq hadisəsi olub.
XəbərAl.az xəbər verir ki, hadisə oktyabrın 28-nə keçən gecə rayonun Ə.Əliyev küçəsində baş verib.
Bakı şəhər sakini M.Sadıqovun idarə etdiyi “Mercedes” markalı avtomobilində olan şəxs ona məxsus 182 manatı götürək qaçıb.
Zərərçəkmiş baş verən hadisə ilə bağlı 17-ci polis şöbəsinə müraciət edib.
Polis əməkdaşlarının keçirdikləri əməliyyat-axtarış tədbirləri nəticəsində soyğunçuluğu törətməkdə şübhəli bilinən Şamaxı rayon sakini, əvvəllər məhkum olunmuş C.Ağayev saxlanılıb.
Faktla əlaqədar Cinayət Məcəlləsinin 180-ci (soyğunçuluq) maddəsi ilə cinayət işi başlanıb.