Hadisə

“Garant İnşaat” MTK Nəsimi rayonunda bina tikmək üçün AĞACLARI MƏHV EDİB

Sharing is caring!

Nəsimi rayonu, 20 Yanvar və Cavadxan küçələrinin kəsişməsində ağaclar kəsilib.

Xəbəral.az xəbər verir ki , bu barədə sosial şəbəkələrdə məlumat yayılıb.

Bildirilib ki, sözügedən ünvanda kafe-restoran fəaliyyət göstərib:

“Daha əvvəllər isə sadəcə yaşıllıq olub. Həmin kafe-restorana görə seyrələn ağaclar indi də yaşayış binasının tikintisinə görə sıradan çıxarılır. Əvvəl yaşıllıq içində yüngül konstruksiya ilə kafe-restoran açırlar, insanların gözü yeni mənzərəyə alışır, ərazinin keçmişi unudulur, sonra orada böyük tikinti işləri aparırlar.

Yaxud məhəllədə standart ölçüdə qaraj tikirlər, illər ötür, sonra qarajın ətrafındakı ərazini də zəbt edib onu supermarketə çevirirlər. Amma ərazinin imkanları ilə tikintinin növü və miqyası arasında uyğunsuzluq nəzərə alınmır”.

Ağacların kəsilməsi ilə bağlı Ekologiya və Təbii Sərvətlər Nazirliyinə müraciət etdik.

Dövlət Ekoloji Təhlükəsizlik Xidmətinin rəsmisi Vaqif Cavadov Oxu.az-ın sorğusuna cavab olaraq bildirib ki, Nəsimi rayonu, 20 Yanvar və Cavadxan küçələrinin kəsişməsində ağacların kəsilməsi ilə bağlı quruma daxil olan şikayət araşdırılıb:

“Araşdırma zamanı ağacların sözügedən ərazidə çoxmərtəbəli binanın tikintisi məqsədilə qazıntı işləri aparan “Garant İnşaat” MTK tərəfindən kəsildiyi və təbiətə 6600 manat məbləğində ziyan dəydiyi müəyyən edilib”.

“Təbiətə dəymiş ziyanın məbləği cinayət tərkibi yaratdığından toplanmış sənədlər Baş Prokurorluğa göndərilib”, – deyə o əlavə edib.

Xəbəral.az

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir