Hadisə

340 min vergi borcu olan MMC necə qalib elan edilib? – Gənclərin İnkişafı və Karyera Mərkəzində qanun pozuntusu

Sharing is caring!

Gənclərin İnkişafı və Karyera Mərkəzi Məhdud Məsuliyyətli Cəmiyyəti növbəti satınalmaya yekun vurub.

Qlobal.az xəbər verir ki, qurumun oktaybr ayının 20-də “ofis binasının daxilində cari təmir işləri” lotu üzrə sifarişçi olduğu satınalmanın məbləği 19.020 manat, qalibi isə “Trust 2018” Məhdud Məsuliyyətli Cəmiyyəti olub.




“Trust 2018” MMC 2018-ci ilin dekabr ayının 3-də yaradılıb. On manat nizamnamə kapitalı olan şirkətin hüquqi ünvanı Bakı şəhəri, Binəqədi rayonu, Cavadxan küçəsi ev 2 mənzil 18 ünvanı, qanuni təmsilçisi isə Niftalıyev Vahid Cəmil oğludur.



Gənclərin İnkişafı və Karyera Mərkəzi MMC-də ofis binasının daxilində təmir işləri aparacaq “Trust 2018” MMC-nin əmək müqaviləsi ilə çalışan işçilərinin sayı, maddi-texniki bazası, mühənis heyəti, müvafiq lisenziyaları barədə heç bir məlumat verilmir.

“Dövlət Satınalmaları Haqqında” Azərbaycan Respublikasının Qanununun 6-cı maddəsinin 6.2.1 bəndində malgöndərən-podratçı təşkilatların satınalma müqaviləsinin icrasını təmin etmək üçün müvafiq sahədə peşəkarlığının, təcrübəsinin, texniki və maliyyə imkanlarının, işçi qüvvəsinin, idarəetmə səriştəsinin və etibarlığının olmasının vacibliyi qeyd edilir.

Gənclərin İnkişafı və Karyera Mərkəzi MMC-nin sifarişçi olduğu sözügedən satınalmada daha bir məqam isə kobud qanun pozuntusunun aşkar təzahürüdür. Belə ki, satınalmada qalib elan edilən “Trust 2018” MMC-nin hazırda dövlətə olan vergi borcu 340.454 manat təşkil edir.



Halbuki, “Dövlət Satınalmaları Haqqında” Qanuna görə iddiaçı qismində iştirak edən təşkilatlar sifarişçi təşkilatın tender komissiyasına təqdim etdikləri sənədlərdən biri də vergi borcunun olmaması haqqında arayışdır.

Görünür, “Trust 2018” MMC Gənclərin İnkişafı və Karyera Mərkəzi MMC-nin tender komissiyasına vergi borcunun olmaması barədə əlaqədar qurumlardan aldığı həqiqi arayışı təqdim etməyib, ya da əksinə sifarişçi təşkilatın tender komissiyası belə bir arayış olmadan “Trust 2018” MMC-ni qalib elan edib. Hər iki halda sözügedən satınalmanın şəffaflığı ciddi sual altına alınır.

Qeyd edək ki, Gənclərin İnkişafı və Karyera Mərkəzi MMC 2018-ci ilin noyabr ayında Azərbaycan Respublikası Gənclər Fondunun nəzdində fəaliyyətə başlayıb.

Təşkilatın 46 şəhər və rayonlarda nümayəndəliyi var.

340 min vergi borcu olan MMC necə qalib elan edilib?

Mərkəzinin baş direktoru Ramtik Alızadədir.

Gənclərin İnkişaf və Karyera Mərkəzi Gənclər Fondunun nəzdində fəaliyyət göstərir.

Xəbəral.az

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir