Hərbi

Rusiya MN saytında Qarabağdakı sülhməramlılarla bağlı xüsusi bölmə yaradıldı

Sharing is caring!

Rusiya Müdafiə Nazirliyinin rəsmi saytında “Dağlıq Qarabağda Rusiya sülhməramlı kontingenti” adlı xüsusi bölmə yaradılıb.

Xəbəral.az xəbər verir ki, bu barədə nazirlikdən məlumat verilib.

“Yeni bölmədə müvafiq xəbərlər və multimediya materialları, infoqrafik məlumatlar, habelə Rusiya Müdafiə Nazirliyi rəhbərliyinin sülhməramlı əməliyyatın aparılması ilə bağlı brifinqləri dərc ediləcək”, – deyə Müdafiə Nazirliyindən bildirilib.

Sayt ziyarətçiləri Laçın dəhlizi ərazisindəki Rusiya müşahidə postlarının yerləşdiyi xəritələrə baxa, Dağlıq Qarabağ ərazisindəki mövcud vəziyyətlə tanış ola biləcəklər.

Nazirliyin məlumatına görə, bu bölmə daim Rusiya sülhməramlılarının işi və münaqişə bölgəsindəki vəziyyət barədə aktual xəbərlərlə, foto və video materiallarla yenilənəcək. Bütün məlumatlar xarici dillərə tərcümə olunacaq.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir