Gündəm

Azərbaycanda icra başçısı oğlunun tikdirdiyi ticarət obyektinin istismarına icazə verdi – FOTOFAKT

Sharing is caring!

Bu ilin oktyabr ayının 19-da Qusar Rayon İcra Hakimiyyəti Qusar şəhəri, Heydər Əliyev prospekti 108 ünvanında yerləşən ticarət obyektinin istismarına icazə verib.

XəbərAl.az xəbər verir ki, ümumi sahəsi 362,6 kv. metr olan obyektin sahibi Alxasov İlkin Şair oğludur.

Tikintisinə 2018-ci ildə başlanılan obyektin sahibi, eyni zamanda, tikintinin istismarına icazə verən quruma rəhbərlik edən şəxsin – Qusar Rayon İcra Hakimiyyəti başçısı Şair Alxasovun oğludur.

Qeyd edək ki, Alxasov Şair Balaşərif oğlu 1958-ci ildə Qusar rayonunun Çətkün kəndində anadan olub. 1985-ci ildə Azərbaycan İnşaat Mühəndisləri İnstitutunu inşaat mühəndisi ixtisası üzrə bitirib.

Əmək fəaliyyəti dövründə “Azərelektroterm” İstehsalat Birliyində tikinti işləri üzrə müdir müavini, tikinti trestinin müdiri, “Bərpaçı-A” MMC-nin prezidenti, bir sıra tikinti şirkətlərinin rəhbəri vəzifələrində çalışıb.

İcra Hakimiyyətinin Başçısı vəzifəsində 18.12.2007-ci il tarixindən çalışır.

 

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir