“Azərbaycanın işğaldan azad olunmuş ərazilərində bərpa-quruculuq layihələrinin həyata keçirilməsində Vyetnam şirkətlərinin də iştirakı mümkündür”. AZƏRTAC xəbər verir ki, bunu Vyetnamın ölkəmizdə yeni təyin olunan səfiri Danq Min Xoyun etimadnaməsini qəbul edərkən Prezident İlham Əliyev deyib. Dövlətimizin başçısı həmin şirkətləri bərpa-quruculuq işlərində iştiraka dəvət edib. Xeberal.az
Tovuz rayonunda piyadanın ölümü ilə nəticələnən yol-nəqliyyat hadisəsi olub. “Report”un Qərb bürosunun məlumatına görə, hadisə Düz Cırdaxan kəndində qeydə alınıb. Yanacaqdoldurma məntəqəsinin yaxınlığında 1978-ci il təvəllüdlü Şahin Qasımovu avtomobil vurub. Piyada aldığı ağır xəsarətlərdən dünyasını dəyişib. Faktla bağlı araşdırma aparılır. Xeberal.az
İraqın şimalında neft şirkətlərindən birinə məxsus iri müəssisə raket hücumuna məruz qalıb. XəbərAl.az xəbər verir ki, bu barədə “Əs-Sumariya” telekanalı məlumat yayıb. Sözügedən müəssisənin Bağdaddan 200 kilometr şimal-qərbdə Səlahəddin əyalətində yerləşdiyi ehtimal olunur. Atılan mərminin kustar üsulla hazırlandığı qeyd olunsa da, hadisə zamanı ölən və ya yaralıların olub-olmaması açıqlanmayıb.