İran sübut etdi ki, bu ölkə hazırki dünya nizamına təhlükədir və İran hakimiyyətinə etibar etmək olmaz.
Bu fikri bazar günü İsrail prezidenti İshaq Hersoq Almaniyaya səfəri zamanı deyib.
Almaniya prezidenti Frank-Valter Ştaynmayerə müraciət edən Hersoq, “nifrət qüvvələrinin ilk növbədə İrandan gəldiyini” vurğulayıb.
“İran açıq şəkildə İsraili məhv etməyə çalışır. Dünya ictimaiyyəti onunla ciddi, qəti və sərt davranmalıdır. Dişsiz və üzərinə su əlavə olunmuş razılaşmalar İranı dayandırmayacaq”, – deyə İsrail prezidenti bəyan edib.
Hersoq İran hakimiyyətini etibarsızlıqda ittiham edib.
“İran sübut etdi ki, ona etibar etmək olmaz. İran sübut etdi ki, dünya düzəninə təhdiddir. İran sübut etdi ki, terror, ölüm saçmağa və özünü vicdan əzabı çəkmədən quldur kimi aparmağa hazırdır. Bu ökə qlobal sabitliyi təhdid edir”, – İsrailin dövlət başçısı əlavə edib.
O, həmçinin müttəfiqlərinin İsrailin arxasında dayanmasını gözlədiklərini qeyd edib.
Mənbə: TASS
Xeberal.az
