İsrail Hərbi Hava Qüvvələrinin qırıcıları Livan hava məkanına daxil olub, ölkənin cənub rayonları boyunca kəşfiyyat uçuşları həyata keçiriblər.
XəbərAl.az xəbər verir ki, bu məlumatı “Əl Vatania” agentliyi yayıb. Təyyarələrin yaşayış məntəqələrinə hava hücumlarını imitasiya etdiyi də vurğulanıb.
Qeyd edək ki, bir neçə gün öncə Livan ərazisinə İsrailin PUA-ları da daxil olmuşdu. Livan hərbçilərinin intensiv atəşindən sonra PUA-lar Livan hava məkanını tərk etmək məcburiyyətində qalmışdılar.
