Dünya

Tbilisidə tanınmış iş adamı güllələndi

Sharing is caring!

Tbilisinin Vaki rayonunda bir nəfər güllələnib.

KİV-in məlumatına görə, bu, tanınmış iş adamı, “Silk Road” maliyyə qrupunun yaradıcılarından biri, 53 yaşlı Levan Kaçaravadır.

Artıq Daxili İşlər Nazirliyi faktla bağlı Cinayət Məcəlləsinin 108-ci – qəsdən adam öldürmə, 236-cı – qanunsuz olaraq silah əldə etmə, saxlama və gəzdirmə maddələri ilə araşdırma başlandığını təsdiqləyib.

Kaçarava şəxsi avtomobili ilə Baqebi rayonunda, Sxneti qəsəbəsinə gedən magistral yolda hərəkət edərkən güllələnib. Ona 20-yə yaxın güllə atılıb. İş adamı yerindəcə dünyasını dəyişib. Cinayətkarlar hadisə yerindən qaçıblar.

Qeyd edək ki, Kaçarava müxtəlif vaxtlarda hakim partiyalara – həm Vahid Milli Hərəkat (2012), həm də “Gürcü Arzusu”na (2017) sponsorluq edib.

Dövlət reyestrinə əsasən, o, 20-yə yaxın şirkətin səhmdarı olub.

Mənbə: newsgeorgia.ge

Xeberal.az

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir