Dünya

Monqolustanın yeni Prezidenti o oldu

Hakim Monqol Xalq Partiyasının sədri, ölkənin sabiq Baş naziri Uhnaagiyn Hurelsuh ölkə prezidenti seçkilərində qalib gəlib.

Bu barədə XəbərAl.az “Montsame” agentliyinə istinadən xəbər verir.

Yerli vaxtla saat 23:00-a (Bakı vaxtı ilə saat 19:00-a) olan nəticələrə görə, namizədə 776 mindən çox seçici səs verib. Namizədliyi Sağçı Seçicilər Koalisiyasından irəli sürülən Böyük Dövlət Xuralının (parlamentin) sabiq deputatı Danqaasurengiyn Enhbat 235 minə yaxın, müxalif Demokrat Partiyasının sabiq sədri Sodnomzunduyn Erdene isə 67 minə yaxın səs toplayıb.

Seçici fəallığı 52,69% təşkil edib.

Qeyd edək ki, ölkənin indiki Prezidenti – müxalif Demokrat Partiyasından olan namizəd Haltmaagiyn Battulqa bu vəzifəyə 2017-ci ilin iyulunda seçilmişdi.  

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir