Türkiyənin İsveçrənin Sürix şəhərindəki Baş konsulluğuna “Molotov kokteylləri” atılıb.
XəbərAl.az “Anadolu” agentliyinə istinadən xəbər verir ki, naməlum şəxslər hücumu yerli vaxtla 02:51-də həyata keçiriblər.
Baş konsul Asiyə Nurcan İpəkçi binaya ziyan dəymədiyini bildirib:
“İki “Molotov kokteyi” atılıb. Onlardan biri yanmayıb, digəri isə dəmir arakəsməyə dəyərək sönüb. Hadisə ilə əlaqədar 3 gənc saxlanılıb. Lakin, onlarla bağlı detallı məlumat verilməyib. Yaxın günlərdə məsələnin aydınlanacağını düşünürük”.
Qeyd edək ki, son 2,5 ildə Sürixdəki Baş konsulluğa 6 dəfə hücum edilib.