Türkiyənin Sakarya şəhərinin Adapazarı rayonunda partlayış meydana gəlib.
Xəbəral.az xəbər verir ki, daha əvvəl yanğın meydana gələn Xəndək rayonundakı hava fişəngləri fabrikində partlamayan məmulatlar məhv edilmək məqsədilə Adapazarına aparılıb. Partlayıcıların boşaldılması əsnasında qəza olub.
Hadisə nəticəsində 2 türk əsgəri həlak olub, 8 nəfər yaralanıb.
Yaralılardan ikisinin vəziyyəti kritikdir.
Bölgəyə çox sayda yanğınsöndürən və təcili tibbi yardım briqadaları cəlb olunub.
Hadisənin meydana gəldiyi yerdə çox sayda hərbi düşərgə, inşaat və mədən yerləşir.