Səudiyyə Ərəbistanı ötən ilin sonlarında neftin xarici ölkələrə satışından gözlənilmədən böyük gəlirlər əldə edib.
Krallığın Baş Statistika İdarəsinin məlumatına görə, dekabr ayında ən aşağı aylıq daxilolmalardan birinə baxmayaraq, Ər-Riyadın iqtisadiyyatı 8,7% artıb ki, bu da G20 ölkələri arasında ən əhəmiyyətli artım olub.
Səudiyyə Ərəbistanının neft ixracından əldə etdiyi yüksək gəlir, onun əmtəə gəlirlərinin ardıcıl altıncı aydır ki, aşağı düşdüyünü nəzərə alsaq, daha təəccüblüdür. Bununla belə, krallığın tarixində ikinci ən böyük “gözlənilməz” gəlir vəliəhd şahzadə Məhəmməd bin Salmana milli iqtisadiyyatı şaxələndirmək və əmtəə ixracından asılılıqdan tədricən uzaqlaşmaq üçün daha çox vəsait verir.
Statistika İdarəsindən bildirilib ki, kəskin üçrəqəmli artımdan sonra keçən ilin sonlarında neftin qiymətinin 80 dollara yaxın olması səbəbindən Səudiyyə Ərəbistanı dekabr ayında xam neft və emal olunmuş məhsulların ixracından 85,5 milyard riyal (22,8 milyard dollar) əldə edib. 2022-ci ildə ölkənin neft gəlirləri təxminən 326 milyard dollara çatıb.
Mənbə: gazeta.ru
Xeberal.az
