“Rusiyanın Tallindəki diplomatik missiyasının əməkdaşlarının sayı çoxdan ixtisar edilməli idi”.
Bu sözləri Estoniyanın Moskvadakı keçmiş səfiri, sabiq xarici işlər naziri, hazırda Avropa Parlamentinin üzvü Marina Kalyurand deyib.
Onun sözlərinə görə, Estoniya Rusiya səfirini ölkədən çıxarmalı və həmçinin öz səfirini də Moskvadan geri çağırmalıdır.
“Eyni zamanda Rusiyada Estoniya vətəndaşları olduğu müddətcə konsulluq xidmətləri bağlana bilməz”, – deyə Kalyurand əlavə edib.
“Mən səfiri daha tez geri çağırardım. Bu, beynəlxalq hüququ, BMT Nizamnaməsini pozan və başqa bir müstəqil dövlətə hücum edən ölkədə Estoniyanın səfirinin olmamasına dair güclü siyasi siqnal olardı”, – deyə o bildirib.
“Estoniya Rusiyanı işğalçı dövlət kimi tanıdıqdan sonra konkret ciddi addımların atılacağını gözləmək olardı. Bəli, mən hesab edirəm ki, Rusiya səfirinin ölkədən çıxarılması və səfirimizin geri çağırılması düzgün, adekvat addım olardı”, – deyə Marina Kalyurand qeyd edib.
Mənbə: Yevropeyskaya pravda
Xeberal.az
