Finlandiya NATO ölkələri İsveçin alyansa qoşulmaq üçün müraciətini təsdiq edənə qədər gözləmək niyyətindədir.
Bu barədə bazar günü Finlandiyanın xarici işlər naziri Pekka Haavisto “Xalq və Müdafiə” konfransı başlamazdan əvvəl bildirib.
“Finlandiya mümkün qədər tez NATO-ya üzv olmağa can atmır. Ona görə də İsveç müvafiq siqnal alana qədər gözləyə bilərik”, – o deyib.
Xarici işlər nazirinin sözlərinə görə, Finlandiya və İsveç Şimali Atlantika Alyansına qoşulma prosesini birlikdə başa çatdıracaqlar. Hazırda NATO-nun 30 üzvündən 28-i (Macarıstan və Türkiyə istisna olmaqla) iki ölkənin ərizələrini ratifikasiya edib.
Mənbə: TASS
Xeberal.az
