ABŞ-də Nyu-Yorkun İnvud rayonunda avtomobilin restorana çırpılması nəticəsində azı 18 nəfər müxtəlif dərəcəli bədən xəsarətləri alıb.
Şəhər polisinin məlumatına görə, insident yerli vaxtla saat 21:00 radələrində baş verib. İlkin versiyaya görə, insident “Audi” markalı avtomobilin “Toyota RAV-4” yolsuzluq avtomobili ilə toqquşmasından sonra baş verib. “Toyota RAV-4” zərbədən səkiyə çıxıb və “Inwood Bar and Grill” restoranına çırpılıb.
“Audi”nin sürücüsü hadisə yerindən qaçıb.
Bütün zərərçəkənlərin Nyu-Yorkdakı tibb müəssisələrinə aparıldığı qeyd edilir. Onların həyatı təhlükədə deyil.
Hadisənin səbəbləri və təfərrüatları araşdırılır.
Mənbə: PIX11
Xeberal.az
