Güney azərbaycanlı milli-mədəni fəal Siyamək Mirzayi 40 aylıq həbs və sürgündən sonra azadlığa buraxılıb.
XəbərAl.az xəbər verir ki, fəal üç aylıq sürgün müddəti başa çatdıqdan sonra oktyabrın 29-da həyat yoldaşı Vəhidə Kərimi ilə birlikdə evinə dönüb.
Siyamək Mirzayi Tehranın Evin həbsxanasında 3 illik həbs cəzasını çəkdikdən sonra Qayin şəhərinə sürgün edilmişdi.
39 yaşlı fəal 2016-cı ildə İranın Kəşfiyyat İşləri üzrə Nazirliyi (ETTELAAT) tərəfindən həbs olunmuşdu. O, Tehran məhkəməsi tərəfindən ölkənin milli təhlükəsizliyini təhdid etmək və qanunsuz qruplaşma yaratmaq kimi əsassız ittihamlarla mühakimə edilib.