Türkiyə İsveçin NATO-ya üzvlük müraciətinin ratifikasiyası üçün bir sıra tələblər irəli sürüb. Bunlardan biri də Ankaranın terrorda ittiham etdiyi qaçqınların şimal ölkədən ekstradisiya edilməsidir.
Oktyabrın 5-də iki ölkənin nümayəndələri ərizəni müzakirə etmək üçün görüşüblər, burada Türkiyə tərəfi Stokholmun müdafiəsini almış bir sıra konkret şəxslərin deportasiyası tələbini təkrarlayıb. Siyahıda 2016-cı ilin yayında dövlət çevrilişinə cəhddə ittiham olunan Fətullah Gülən hərəkatı ilə əlaqədə şübhəli bilinən iki nəfər də olub.
İsveç Baş Prokurorluğu Ankaranın ekstradisiyasını tələb etdiyi krallıqdakı iki Türkiyə vətəndaşının ölkədən çıxarıla bilməyəcəyi ilə bağlı Ali Məhkəməyə bəyanat göndərib.
İsveç Baş Prokurorluğunun bildirdiyinə görə, onların ittiham olunduğu əməllər, krallığın qanunlarına görə, cinayət sayılmır. Üstəlik, bu şəxslər Türkiyəyə qayıtsalar, təqiblərlə üzləşə bilərlər.
Sözügedən şəxslərdən birinin İsveçdə üç illik yaşayış icazəsi və qaçqın statusu var.
Mənbə: Expressen
Xeberal.az
