“Ermənistan Xarici İşlər Nazirliyinə silah tədarükü üzrə tenderin pozulması ilə əlaqədar Rusiya Xarici İşlər Nazirliyindən heç bir mesaj gəlməyib”.
XəbərAl.az xəbər verir ki, bunu jurnalistlərə Ermənistan XİN-in mətbuat katibi Anna Nağdalyan söyləyib.
Xatırladaq ki, bundan əvvəl Rusiya xəbər agentliyi “RİA Novosti” Rusiya şirkəti ORSIS-in iştirak etdiyi silah tədarükü tenderinin baş tutmaması ilə əlaqədar Rusiyanın Ermənistana etiraz notası göndərəcəyini bildirmişdi.
22 oktyabr 2019-cu il tarixli nota Ermənistanın müdafiə naziri David Tonoyana ünvanlanır.
Sənəddə deyilir ki, ORSIS-in tenderi heç bir səbəb olmadan rədd edilib və erməni tərəfi əsassız olaraq şirkəti qüsurlu təchizatçıların siyahısına əlavə edib.
