Moldovanın Oknitsa rayonunun Naslavça sərhəd kəndi ərazisinə Ukrayna hava hücumundan müdafiə sistemi tərəfindən vurulan raket düşüb.
Bu barədə Moldova Daxili İşlər Nazirliyinin (DİN) mətbuat xidməti xəbər yayıb.
“Hazırda xəsarət alan yoxdur, lakin Naslavçada bir neçə evin pəncərələri qırılıb”, – deyə məlumatda bildirilir.
Moldova DİN Ukrayna mənbələrinə istinad edərək yazır ki, Rusiya Ukrayna ərazisindəki su elektrik stansiyasını (SES) raket atəşinə tutub. Stansiya Naslavçadan 10 km məsafədə yerləşir.
Mətbuat xidməti pəncərələri sınmış üç evin fotolarını yayıb. Bildirilir ki, raketin düşdüyü ərazi mümkün təhlükələrin qarşısını almaq üçün mühasirəyə alınıb. Hadisə yerində müstəntiqlərdən ibarət qrup işləyir.
Mənbə: Reformation
Xeberal.az
