Dünya

Saturnun peykində həyat üçün şərait ola bilər

Sharing is caring!

Saturnun peyki Enseladda mikroorqanizmlərin həyatı üçün əlverişli şərait ola bilər.

Bu qənaətə Çin Elm və Texnologiya Universitetinin bir qrup alimi gəlib.

“Enselad peykindəki okean suyunun yüksək qələvi olduğu və tərkibində oksigen olmadığı aşkar edilib. Tərkibinə görə bu, bir az Yer üzündə insanların içdiyi qazlı suya bənzəyir”, – deyə elmi qrupun rəhbəri Hao Jihua bildirib.

Alimin fikrincə, Enseladdakı okeanın 100 min ildən çox yaşı var. Bu səbəbdən də onun mayesində çoxlu fosfor ola bilər.

Qeyd edək ki, əvvəllər müxtəlif elm adamları Enseladda həyat üçün zəruri olan beş əsas elementin olduğunu aşkar ediblər: Hidrogen, karbon, oksigen, azot və kükürd. Fosfor çatışmazlığı alimləri peykdə mikroorqanizmlərin yaşaması üçün şəraitin olması ilə bağlı fərziyyə irəli sürməyə mane olub.

Mənbə: rossaprimavera.ru

Xeberal.az

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir