XəbərAl.az-ın məlumatına görə, Ağsu Rayon Polis Şöbəsinin əməkdaşları rayon ərazisində yaşayan aztəminatlı ailələrə baş çəkərək onların bu il məktəbə gedəcək övladlarını sevindirib. Yeni dərs ilinin başlaması ilə əlaqədar olaraq məktəb üçün bütün zəruri ləvazimatlar uşaqlara hədiyyə edilib. Polis əməkdaşları uşaqlara yeni tədris ilində uğurlar arzulayıb. Ağsu Rayon Polis Şöbəsinin belə bir xeyirxah əməli, həmçinin övladlarının sevincinə şərik olan valideynləri də sevindirib. Valideynlər də öz növbəsində DİN və Ağsu RPŞ-nin rəhbərliyinə onlara göstərilən bu nəcib diqqət və qayğıya görə minnətdarlıqlarını bildiriblər.
XəbərAl.az
