Cəmiyyət

Almaniya nəşri Nobel mükafatı laureatı olmuş məşhur bakılı alimdən yazıb

Sharing is caring!

Almaniyanın məşhur “Samstagszeitung” nəşri nəzəri fizikanın bir çox sahələrinə fundamental elmi töhfələr bəxş edən, kvant mexanikasında sıxlıq matrisi metodu kəşfinin müəllifi, diamaqnetizmin kvant nəzəriyyəsi, ifrat axıcılıq nəzəriyyəsi, ikinci növ faza keçidlərində mühüm elmi nailiyyətlərə imza atmış Lev Landaudan yazıb.

“Report” xəbər verir ki, özəl, qeyri-kommersiya və pulsuz İT məktəbi “Ecole 42” barədə məqalədə Lev Landaunun da elmi nailiyyətlərinə toxunulub.

“Vyanada Lev Landau və Ecole 42” başlıqlı məqalədə “Ecole 42”nin əsasını fransız sahibkar Xavier Nielin qoyduğu, məktəb modelinin indi Paris, Lion (Fransa) şəhərlərində, Fremont (Kaliforniya), Rumıniya, Cənubi Afrika Respublikası, Ukrayna, Bolqarıstan, Moldova, Belçika, Rusiya, Mərakeş və Finlandiyada yaxşı qarşılandığı bildirilir.

Məktəbdə tədris üçün 18 yaşından yuxarı hər kəsin qeydiyyatdan keçə bilməsi, seçim prosesinə ilk növbədə diqqət və məntiq, həmçinin proqramlaşdırmanı öyrənmək bacarığının zəruriliyi üzrə testlərin daxil olduğu bildirilir.

“Digər dörd həftəlik ilkin kursdan sonra təlim iki ildən beş ilədək davam edir. Didaktika həmyaşıd pedaqogikadan götürülüb.

Bir az tarixə qayıtsanız, prinsip o qədər də yeni deyil. Bakıdan (Azərbaycan) olan Lev Landau bu prinsipi fizikaya təxminən 100 il əvvəl daxil edib.

Landau vunderkind və fizika üzrə Nobel mükafatı laureatı idi. O, 14 yaşında universitetdə fizika üzrə təhsil almağa başlayıb. Nailiyyətləri çox gözəl olduğu üçün heç vaxt fəlsəfə doktoru üzrə elmi iş yazmağa məcbur olmayıb və nəticədə fizika professoru olub. L. Landau inanırdı ki, hər kəs “minimum” olsa, fizikanı öyrənə bilər.

Lev Landau məktəbindən çoxlu sayda görkəmli, tanınmış riyaziyyatçılar və fiziklər çıxıb. Buna görə Landau namizədlərə müvafiq tələbləri təqdim edən qəbul üçün xüsusi prosedur hazırlayıb”, – nəşr qeyd edib.

Xeberal.az

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir