Cəmiyyət

Saatlının kəndində örüş sahələri satılıb? – VİDEO

Sharing is caring!

Saatlı rayonunun Mircəlal kəndinin bir qrup sakini örüş torpaqlarının zəbt olunduğunu deyir.

Kənddə əsas məşğuliyyət növü heyvandarlıq olsa da, örüş torpaqlarının zəbt olunması səbəbindən sakinlər bununla da məşğul ola bilmirlər. Kəndlilər deyirlər ki, 1997-cı ildə torpaq islahatı zamanı onlara örüş yeri ayrılsa da, sonradan həmin torpaqlar müxtəlif adamlar tərəfindən zəbt olunub.

Kənd sakinlərinin müraciəti İqtisadiyyat Nazirliyi yanında Əmlak Məsələləri üzrə Dövlət Xidmətinin əməkdaşları tərəfindən araşdırılıb. Məlum olub ki, həqiqətən də həmin torpaq sahələri Mircəlal kənd bələdiyyəsinin mülkiyyətində olan örüş torpaq sahələridir. Həmin torpaq sahələrinin 160 hektarı hazırda kənd sakinlərinin ümumi istifadəsində olmaqla heyvandarlıq üçün istifadə olunur. Qalan 10 hektar torpaq sahəsində ölkəmizdə torpaq islahatları keçirilənə qədər bəzi kənd sakinləri tərəfindən yaşayış evləri tikilib.

Mircəlal kənd bələdiyyəsinin sədri Nazim Şahverdiyev isə vətəndaşların narazı qaldığı örüş problemi ilə bağlı bunları deyib:

“Vətəndaşlar göstərirlər ki, həmin yerlər örüşdür, amma bu, belə deyil. Vətəndaşların əlində rəsmi sənədləri var, həmin sənəd əsasında öz işlərini görürlər. Heç bir qanun pozuntusu olmayıb, olmayacaq da. Şikayətçi olan vətəndaşlara dəfələrlə demişəm, gəlin, hansı ərazinin əkildiyini mənə göstərin. Ancaq heç kim meydana çıxmır”.

Daha ətraflı Baku TV-nin süjetində:

Xeberal.az

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir