Sabunçu rayonunda küçəni su basıb.
Bu barədə görüntülər Oxu.Az-ın redaksiyasına göndərilib.
Belə ki, Sabunçuda “Vağzal dairəsi” adlanan ərazini su basıb. Nəticədə ərazidə gölməçə yaranıb.
“Yaranmış problemin aradan qaldırılması məqsədilə Sabunçu Rayon İcra Hakimiyyəti başçısının Sabunçu qəsəbəsi üzrə nümayəndəliyinin, “Balaxanı Əməliyyat Şirkəti”nin, Rayon Sukanal İdarəsinin və Sabunçu Rayon Mənzil-Kommunal Təsərrüfatı Birliyinin əməkdaşları tərəfindən həmin əraziyə baxış keçirilib və birgə görülmüş tədbirlər nəticəsində barmaqlıqlar təmizlənərək, sular kənarlaşdırılıb. Hazırda qeyd olunan küçədə vəziyyət stabildir və subasma halları müşahidə olunmur”.
İlhamə Əbülfət
Xeberal.az