Şəmkirdə piyadanın vurulması ilə nəticələnən yol-nəqliyyat hadisəsi baş verib.
Oxu.Az-ın hüquq-mühafizə orqanlarından əldə etdiyi məlumata görə, hadisə rayonun Elpərəs Hüseynov küçəsində baş verib.
Hərəkətdə olan VAZ-2121 markalı minik maşını yolu keçmək istəyən 2006-cı il təvəllüdlü N.Namazovu vurub.
Piyada dərhal yaxınlıqdakı xəstəxanaya yerləşdirilib. Həkimlər tərəfindən ilkin yardım göstərilən 16 yaşlı yeniyetmənin vəziyyətinin kafi olduğu bildirilib.
Faktla bağlı araşdırma aparılır.
Xeberal.az
