“100 mindən çox Qərbi azərbaycanlı soydaşımızın siyahısı tərtib olunub və bu proses davam edir”.
“Report” xəbər verir ki, bunu jurnalistlərə açıqlamasında Qərbi Azərbaycan İcmasının Mətbuat Xidmətinin rəhbəri Ülviyyə Zülfüqar deyib.
Qurum rəsmisinin sözlərinə görə, Qərbi azərbaycanlıların siyahıya alınma prosesi davam edir:
“Siyahıya alınma prosesi ilə əlaqədar həm yerli icra orqanları dəstək göstərirlər, həm də hər gün icmamıza 250-300 nəfər Qərbi azərbaycanlı soydaşımız yaxınlaşır və qeydiyyata alınmaq üçün özləri də təşəbbüs göstərirlər”.
Ü.Zülfüqar vurğulayıb ki, hətta dədə-baba evləri indiki Ermənistan adlanan ərazidə olan soydaşlarımız da qeydiyyata alınırlar:
“1988-1991-ci illərdə deportasiya olunan soydaşlarımızla yanaşı, daha əvvəl köçə məcbur edilənlər və onların varislərindən də qeydiyyata alınanlar var”.
Xeberal.az
