XəbərAl.az xəbər verir ki, “Loqos” Psixoloji və Nitq İnkişaf Mərkəzi və Psixoloji Xidmət və Tədqiqatlar Mərkəzi 6-7 mart 2020-ci il tarixlərində “XXI əsr: ailə, qadın və uşaqlarla əlaqəli psixoloji problemlər” mövzusunda beynəlxalq elmi konfransı həyata keçirəcəkdir. Dünyanın, eləcə də Azərbaycanın bir sıra güclü psixoloq, loqoped və mütəxəssislərinin iştirakı nəzərdə tutulan konfrasda müvafiq sahənin bir sıra aktual məsələlərinə toxunulacaq, nəzəri və təcrübi müzakirələr aparılacaq. Konfransın keçirilməsində əsas məqsəd Ailə institutunun möhkəmləndirilməsi, qadın və uşaq hüquqların müdafiəsi istiqamətində bir sıra mühüm qanunlar qəbul edilmiş və bu sahədə davamlı islahatlar aparılmışdır. Həmin qanunların qəbul edilməsi yeni düşüncə tərzinin formalaşmasına və müəyyən stereotiplərin aradan qaldırılmasına təkan vermişdir. Qeyd edək ki, ölkə başçısının Sərəncamları ilə təsdiq edilən Gələcəyə Baxış İnkişaf Konsepsiyası və 2016-2030-cu illər üçün Dayanıqlı İnkişaf Məqsədlərindən, eləcə də Strateji Yol Xəritəsindən irəli gələrək, ailə institutunun daha da gücləndirilməsi, gender bərabərliyinin təmin edilməsi, bütün sahələrdə qadınların və qızların, uşaqların hüquqlarının müdafiəsi üçün geniş imkanlar yaranmışdır. Konfransda yerli və beynəlxalq psixoloqlarla birgə bu gün ailələrdə yaranan psixoloji problemlər müzakirə ediləcək və onların həlli yolları konfrans iştirakçılarına aşılanacaqdır.
Oxşar Xəbərlər
Azərbaycan əlifbası və Azərbaycan dili günü qeyd edilir
Avqustun 1-i Azərbaycan Əlifbası və Azərbaycan Dili Günü kimi qeyd edilir. Bu əlamətdar gün ümummilli lider Heydər Əliyevin 2001-ci il 9 avqust tarixli Fərmanına əsasən təsis edilib. Ulu Öndər həmin Fərmanı latın qrafikalı Azərbaycan əlifbasına keçidin ölkəmizdə 2001-ci ilin avqustunda bütövlükdə təmin edildiyini və yeni əlifbadan istifadənin müstəqil Azərbaycanın ictimai-siyasi həyatında, yazı mədəniyyətimizin tarixində mühüm […]
Arvadını bıçaqlayıb öldürən, bir nəfəri isə yaralayan şəxsin məhkəməsi başlayıb
İyunun 3-də Ucar rayon sakinləri 1995-ci il təvəllüdlü Könül Əliyevanın öldürülməsi, 1996-cı il təvəllüdlü Rüfət İlyaszadəyə isə xəsarət yetirilməsi faktı üzrə rayon prokurorluğunda başlanmış cinayət işinin istintaqı tamamlanıb. Bu barədə Ucar Rayon Prokurorluğundan məlumat verilib. İstintaqla 1988-ci il təvəllüdlü Anar Əliyevin rayon ərazisində yerləşən avtomobil yuma məntəqələrinin birində şəxsi münasibətlər zəminində tanışı Rüfət İlyaszadəyə bıçaqla xəsarətlər […]
Almaniyada səkkiz əyalətdə həyəcan: Antiterror əməliyyatı keçirildi
Almaniyada “Reyxsburqerlər”ə (“Reyx vətəndaşları”) qarşı antiterror əməliyyatı keçirilir. Bunun üçün səkkiz federal əyalətin ərazisində 20 nəfər axtarışa verilib. Son məlumatlara görə, 20 nəfər mütəşəkkil cinayətdə ittiham olunub. Üçüncü Reyxin yoxa çıxmasını inkar edən hərəkat nümayəndələrinin kompüterləri, telefonları və digər yaddaş daşıyıcıları müsadirə edilib. Münhen prokurorluğu cinayətkar hərəkatda çoxlu sayda şübhəlinin şəxsiyyətinin müəyyən edildiyini bildirib. “Reyx […]