Koreya vətəndaşları güneyli alpinist Elnaz Rekabinin mediaya müsahibəsinə icazə verilməməsinə görə İranın Seuldakı səfirliyinin qarşısına toplaşıblar.
“Azad İran” “Telegram” kanalı xəbər verir ki, sosial şəbəkələrdə yayılan videoda koreyalıların “bişərəf” və “Qadın, həyat, azadlıq” şüarları ilə etiraz aksiyası keçirdikləri əks olunub.
Aksiyaya səbəb dırmanma üzrə çempionatda Elnaz Rekabinin hicabsız çıxışı və buna görə bir müddət yoxa çıxması olub.
İrandakı etirazlara dəstək verən bir qrup Koreya vətəndaşı Elnaz Rekabinin məcburi şəkildə İrana qaytarılmasının izahını da tələb ediblər.
Hətta bəzi etirazçılar saçlarını kəsib zərfə qoyaraq səfirlik binasına göndəriblər.
Xatırladaq ki, Elnazın Koreyada keçirilən yarışda hicabsız iştirakı bütün dünyanın diqqətini çəkib.
Xeberal.az
