Cəmiyyət Manşetüstü

Əhaliyə KÜLƏK XƏBƏRDARLIĞI – Ağacların altında durmayın, maşın saxlamayın

Sharing is caring!

Ekologiya və Təbii Sərvətlər Nazirliyi sentyabr ayının 21-dən ölkə ərazisində hava şəraitinin dəyişəcəyi ilə bağlı xəbərdarlıq edib.

Nazirliyin mətbuat xidmətinin rəhbəri İradə İbrahimovanın XəbərAl.az-a verdiyi məlumata görə, sentyabrın 21-i səhər saatlarından başlayaraq ölkə ərazisində hava şəraitinin dəyişəcəyi gözlənilir.

Bakıda və Abşeronda günün birinci yarısında şimal küləyi güclənəcək. Ən güclü külək gündüz və axşam müşahidə olunacaq. Küləyin maksimal sürəti saniyədə 30-35 metrə çatacaq.

“Güclü külək nəticəsində irigövdəli ağacların, onların budaqlarının aşma, sınma təhlükəsi var. Ona görə vətəndaşlarımıza tövsiyə edirik ki, diqqətli olsunlar, ağacların altında durmasınlar, maşın saxlamasınlar. Uşaqları küləkli havada həyətə nəzarətsiz buraxmasınlar. Bir daha əhalini ehtiyatlı olmağa çağırırıq”, – xəbərdarlıqda bildirilir.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir