Ukraynada müharibə davam edir.
Baku TV-nin bu ölkədə olan əməkdaşı Mübariz Aslanov Ukraynadan son məlumatları çatdırıb.
O bildirib ki, ötən gündən Ukraynada ölkə boyu həyəcan siqnalı verilib.
“Müharibə müddətində Ukraynada həyəcan siqnallarının ölkə boyu verilməsi çox nadir hallarda olur. İndiyə qədər bu hal beş dəfə yaşanıb. Hər dəfə bu siqnallardan sonra ciddi xəbərlər eşidirik”, – deyə əlavə edilib.
Qeyd edilib ki, ötən gecə işğal olunmuş ərazilərdə Rusiya Silahlı Qüvvələrinə məxsus 24 hərbi obyekt Ukrayna ordusu tərəfindən sıradan çıxarılıb.
O da bildirilib ki, Rusiyada səfərbərlik elan edilməsi Ukraynada narahatlığa səbəb olmayıb, əksinə, müqavimətin artması müşahidə olunur.
Xeberal.az
