Cəmiyyət

Generalın ailəsi ölkəni tərk edib: Türkiyədən Avropaya keçmək istəyirlər? – İDDİA

Sharing is caring!

Ləğv edilmiş Milli Təhlükəsizlik Nazirliyinin (MTN) Baş İstintaq İdarəsinin keçmiş rəisi, general Mövlam Şıxəliyevin ailəsinin ölkəni tərk etməsi barədə xəbər yayılıb.

Bu barədə Qaynarinfo-ya məlumat verən mənbə bildirib ki, generalın ailəsi hazırda Türkiyədədir. İddialara görə, onlar Türkiyədən Avropa ölkələrindən birinə keçmək niyyətindədirlər. 

Mövlam Şıxəliyevin vəkili Arzu Cavadov isə bildirib ki, iddialar əsassızdır:

“Mövlam müəllimin ailəsi heç yerə getməyib. Hazırda Azərbaycandadırlar. Novxanıda yaşayırlar, yoxlaya da bilərsiniz”.

Qeyd edək ki, Bakı Hərbi Məhkəməsində hakim Elbəyi Həsənlinin sədrliyi ilə Mövlam Şıxəliyev, MTN-in İstintaq İdarəsinin rəis müavini, 1-ci şöbənin rəisi, Yasin Məmmədov, 2-ci şöbənin rəisi Vüsal Ələkbərov, Metodiki yardım və kriminalistika şöbəsinin rəis müavini Sahib Ələkbərov mühakimə olunur. Artıq məhkəmə yekunlaşmaq üzrədir. Son prosesdə prokuror Mövlam Şıxəliyevin 14, Yasin Məmmədovun 12, Vüsal Ələkbərovun 11, Sahib Ələkbərovun isə 10 il azadlıqdan məhrum edilməsini istəyib.

Xeberal.az

Bir cavab yazın

Sizin e-poçt ünvanınız dərc edilməyəcəkdir.