Yevlax rayon sakini özünə məxsus avtomobili ilə yaşadığı kəndin küçələrinə düşüb, “Evdə qal” çağırışı edib.
Baku TV xəbər verir ki, rayonun Ərəş kənd sakini, 54 yaşlı Mais Mehdiyev insanların karantin rejiminə əməl etməsi üçün belə çağırışlar səsləndirməyi vacib hesab edir.
O, səsgücləndirici vasitəsilə gün ərzində həm avtomobil, həm də piyada olaraq 30 km yol qət edərək insanlara səslənib.
Kənd sakini bildirir ki, iki gündür başladığı işin nəticəsi var və bu cür çağırışlarını karantin rejimi bitənə qədər davam etdirəcək.
