“Müstəqil həyata sağlam inteqrasiya” layihəsinin Maştağada yerləşən 1 saylı İnternat məktəbindəki ilkin hissə başa çatıb. “İnternat Məzunlarının Sosial İnteqrasiyası” İctimai Birliyinin Azərbaycan Gənclər Fondunun maliyyə dəstəyi ilə həyata keçirdiyi “Müstəqil həyata sağlam inteqrasiya” uşaq evləri və internat məktəblərində təhsil alan və həmin müəssisələrdən məzun olan gənclərin psixo-sosial reabilitasiyası layihəsinin Maştağa qəsəbəsi 1 nömrəli internat məktəbi hissəsi uğurla başa çatıb. İnternat məktəbində keçirilən bağlanış mərasimində “İnternat Məzunlarının Sosial İnteqrasiyası” İctimai Birliyinin sədri Araz Əhmədov, PXTM-nin icraçı direktor müavini Rəşad Bayramov, “Loqos” un təlimçisi, Beynəlxalq əlaqələr şöbəsinin rəhbəri Kamran Məmmədov iştirak ediblər. Bağlanışda “Loqos” un təlimçisi Kamran Məmmədov uşaqlara “Motivasiya, şəxsi inkişaf və uğur” adlı təlim keçib. Təlim zamanı bildirilib ki, motivasiya insanın iş görməsini dəstəkləyən təhrikedici psixoloji qüvvədir. O, insan davranışlarını istiqamətləndirməklə onların fəaliyyətsizliyini aradan qaldırır, fəaliyyətin davamlılığını təmin edir. Təlimdən sonra uşaqlar qrup işi hazırlayıb, təqdimat ediblər. Məlumat üçün bildirək ki, layihə çərçivəsində Maştağa 1 nömrəli internat evində 12 nəfər gəncə “Loqos” Psixoloji və Nitq İnkişaf Mərkəzinin mütəxəssisləri tərəfindən 8 seansdan ibarət psixoloji reabilitasiya xidməti göstərilib. Hal-hazırda Buzovnada 10 nəfər internat gənci ilə psixoloji seanslar davam edir.
Oxşar Xəbərlər
Tarix yazan hərbçilərimizin Şuşada qartopu əyləncəsi – VİDEO
Bu gün Şuşa şəhərinə qar yağıb. Azərbaycan hərbçiləri fürsətdən istifadə edərək, qartopu oynayıb. Hərbçilərin qar sevincinin görüntülərini təqdim edirik: Qeyd edəki ki, Şuşa şəhəri noyabrın 8-də Azərbaycan ordusu tərəfindən erməni işğalından azad olunub.
Rövşən Tağıyev: “Pandemiya dövründə alınan şəxsi avtomobillər tıxacları daha da artırıb”
“Tıxaclar yalnız bizim ölkədə deyil, bir çox ölkələrin, iri şəhərlərin ciddi probleminə çevrilib. Fərqli ölkələrdən olan nümayəndələrin, ekspertlərin iştirakı ilə keçirilən konfranslarda tıxacların son dövrdə artmasına səbəb kimi pandemiya xüsusi vurğulanıb”. Oxu.Az xəbər verir ki, bu fikirləri Baş Dövlət Yol Polisi İdarəsinin İctimai qurumlarla əlaqə şöbəsinin rəisi, polis mayoru Rövşən Tağıyev AzTV-nin efirində yayımlanan “Çıxışa […]
Tikinti obyektlərinin kommunal şəbəkələrə qoşulmasına dair QƏRAR
Nazirlər Kabineti “Tikinti obyektlərinin qazpaylayıcı şəbəkəyə qoşulma xidmətinə görə ödənişin hesablanmasına dair metodologiya”nı təsdiq edib. Oxu.Az xəbər verir ki, bununla bağlı Baş nazir Əli Əsədov yeni qərar imzalayıb. Hökumət başçısının imza atdığı digər qərarla isə “Tikinti obyektlərinin elektrik şəbəkəsinə qoşulma xidmətinə görə ödənişin hesablanmasına dair metodologiya” təsdiqlənib. Metodologiyalara əsasən, hər iki qoşulma xidmətinə görə ödənişin […]