Mingəçevir şəhərində yeniyetmə oğlan öz tanışını bıçaqlayıb.
Oxu.Az-ın məlumatına görə, hadisə şəhərdəki kafelərin birində baş verib.
2008-ci il təvəllüdlü M.A. və 2007-ci il təvəllüdlü A.B. arasında zarafat mübahisəyə səbəb olub. Mübahisə zamanı A.B. tanışına bıçaqla xəsarət yetirib.
Daxili İşlər Nazirliyinin Mətbuat Xidmətinin Şəki regional qrupunun baş inspektoru, polis baş leytenantı Mahir Məsimov Oxu.Az-a bildirib ki, hadisəni törədən saxlanılıb:
“Hazırda araşdırma aparılır”.
İlhamə Əbülfət
Xeberal.az
