Araşdırma

Goranboyun baş həkimi icra başçısına qarşı -Çəkişmə

Sharing is caring!

Son günlər Azərbaycan səhiyyəsinin müəyyən çatışmazlıqları haqqında mətbuatda neqativ yazılar dərc olunmaqdadır.Bu xoşagəlməz yazılar dərc olunmağına baxmayaraq nədənsə səhiyyəmiz bəzi qəssab həkimlərin sayəsində günü-gündən geriləməyə başlayır.

Hər gün  ana və uşaq ölümləri, xəstələrə qoyulan səhv diaqnozlar bunları deməyə əsas verir.Prezident İlham Əliyev və I vitse prezident Mehriban xanım Əliyeva tərəfindən Azərbaycan səhiyyəsi üçün müasir tipli avadanlıqların gətirilməsi, onların xalqın ixtiyarına verilməsi bizlər üçün danılmaz faktdır. Amma nədənsə bəzi baş həkimlər və cəllad həkimlər öz işlərinə qeyri-səmimi yanaşmaqla yanaşı, həm də xəstəxanaları bazara çevirirlər.

Bu baş həkimlərdən biri də uzun illərdir Goranboy rayon Mərkəzi Xəstəxanasında işləyən Budaqov Rüstəm Abdulla oğludur. Rüstəm həkimin ixtisası cərrah olsa da, baş həkimliklə cərrahlığı səhv salıb. Goranboy rayon eks icra başçısı, cənab prezidentin məlum sərəncamı ilə isə hal-hazırda Ağstafanın icra başçısı işləyən Nizaməddin Quliyevin yaxın adamı sayılan Rüstəm Budaqov yenə də özünə arxayınlıqla köhnə qaydalarla işləyərək Goranboy sakinlərinin və səhiyyəsinin əsl qəniminə çevrilib.Bu gün dövlət xəstənalarında xəstələrə xidmət pulsuz olsa da, Goranboy Mərkəzi xəstəxanasında isə açıq bazar və konkret qiymətlər höküm sürür. Goranboy xəstəxanasına müraciət edən xəstələr konkret olaraq baş həkim Rüstəm Budaqovun apteklərindən eyni qaydalı reseptlərə iynə-dərman almalı,əgər almasa həmin xəstənin vəziyyəti demək olar ki,çox ağır olar.
Dövlətin qeydiyyatında olan şəkər xəstələrinə,vərəm xəstələrinə müalicə və dərmanlar pulsuz olduğu halda, Goranboyun baş həkiminə bunun heç bir aidiyyatı yoxdur. Xəbəral.az saytına mənbə bildirdi ki, Goranboyun eks icra başçısı Nizaməddin Quliyevin “Söz Anbarı və Silahdaşı” yəni məmurlardan icra başçısına şikayəti birbaşa Rüstəm Budaqov edirmiş.

Mənbə bildirir ki,Rüstəm Budaqov Goranboy rayonuna yeni təyin olunmuş icra başçısı Məhərrəm Quliyevə qarşı rayonda anti-təbliğat aparır və özünü köhnə qaydalarla söz sahibi etmək istəyir. Bir sözlə, icra başçısı Məhərrəm Quliyevi özündən asılı etdirmək istəyir. Lakin icra başçısı Məhərrəm Quliyev, rayonun baş həkimi Rüstəm Budaqovun müəyyən təkliflərini rədd edərək, rüşvətsiz işləməyini təklif etsə də, Budaqov bu təklifə yox deyərək, özünəməxsus qanunlarla işləməyə davam edib.
Mənbə Xəbəral.az saytına bildirib ki,Goranboyda şəhid ailələri,məcburi köçkünlərə qarşı baş həkim tərəfindən olunan hörmətsizlik Azərbaycanın heç bir bölgəsində yoxdur. Sakinlərə qarşı kobudluq,müalicə üçün konkret qiymətlər artıq Goranboy əhalisini təngə gətirib.Demək olar ki,Məhərrəm Quliyev Goranboya az vaxtda icra başçısı təyin olunsa da, dəfələrlə baş həkimə bu qanunsuzluqlara son qoymağa çağırsa da, yenə də Rüstəm Budaqov eks icra başçısı Nizaməddin Quliyevin rayonda qoyduğu qanunlarla işləməyə davam edib.
Goranboy sakinləri Xəbəral.az saytı vasitəsi ilə rayonun baş həkimi Rüstəm Budaqovun özbaşınalığına son qoymaq üçün Cənab prezident İlham Əliyevdən və Səhiyyə Naziri Oqtay Şirəliyevdən kömək və xahiş etdilər.Bir sözlə, rayon sakinləri artıq çıxılmaz vəziyyətə düşüblər və gözləyirlər ki, baş həkim Rüstəm Budaqov nə zaman işdən azad olunacaq və Goranboy Səhiyyəsi ağ günə çıxacaq.
Sözügedən məsələni gündəmdə saxlayırıq. Goranboy səhiyyəsindəki özbaşınalıqlar haqqında daha ətraflı sizlərə məlumat verəcəyik.

Qarşı tərəfin mövqeyin dinləyib dərc etməyə hazırıq.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir