Qazax Dövlət Sosial-İqtisadi Kollecinin sabiq tədris işləri üzrə direktor müavini, təzyiqlərə məruz qaldığı üçün işdən öz ərizəsi əsasında istefa verən, bundan sonra onun barəsində aparılan qarayaxma kampaniyasına görə müraciət etdiyi heç yerdə işə qəbul edilməyən Nicat Göyüşov Kollecdə üzləşdiyi qanunsuzluqlar və ona olunan təzyiqlər, haqsızlıqlarla bağlı məsələləri ictimailəşdirməklə möhtərəm prezidentimiz cənab İlham Əliyevin diqqətinə çatdırmaq istədiyini deyir. O bu qərara gəlməsində son dövrlərdə ölkə başçısının apardığı kadr islahatlarının, korrupsioner və rüşvətxor məmurlara qarşı aparılan sistemli mübarizənin rolu olduğunu deyir: “Əlimdə Qazax Dövlət Sosial-İqtisadi Kollecindəki özbaşınalıqları, ciddi qanun pozuntularını, yeyintiləri göstərən əsaslı faktlar, sübutlar var. Yaxşı olardı ki, həm Təhsil Nazirliyi, həm Baş Prokurorluq yanında Korrupsiyaya Qarşı Mübarizə İdarəsi, həm də Rayon İcra Hakimiyyəti aparatında təhsil sektoruna cavabdeh olan şəxs onlarla tanış olmaq üçün maraq göstərərdilər. Çünki cənab Prezidentimizin apardığı şəffaf siyasətə kölgə salan bu cür şəxslərin fəaliyyətinə imkan vermək insanlar arasında dövlətə inamı sarsıdır, narazılığı artırır. Ölkə başçısı gecə – gündüz çalışıb xalqın güzəranını yaxşılaşdırmağa səy göstərir, qanunsuzluqlarla ciddi mübarizə aparır ki, demokratik quruluşda yaşadığının hər bir vətəndaş canlı şahidi olsun, bir qisim bu cür fəaliyyət yolunu tutan şəxslər də səlahiyyətlərindən başqa cür istifadə etməklə etiraz yaradırlar. Buna görə də hər birimiz cənab prezidentin ətrafında sıx birləşərək qanunsuzluğa qarşı birgə mübarizə aparmalı, dövlətimizin daha da möhkəmlənməsi, inkişaf etdirilməsi işində yaxından iştirak etməliyik”. Onu da qeyd edək ki, Nicat Göyüşov özünə məxsus facebook profilində Qazax Dövlət Sosial-İqtisadi Kollecində baş verən qanunsuzluqlara aid faktlar paylaşıb məsələni ictimailəşdirir və bu yolla problemi ölkə rəhbərliyinin diqqətinə çatdırmaq istədiyini deyir. O, Kollecdəki özbaşınalıqların qarşısını almaq üçün cənab Prezidentin dəstəyini alacağına ümid edir.
Oxşar Xəbərlər
Xınalıq yolunda betonqarışdıran maşın aşdı
Qubada betonqarışdıran maşın aşıb. Oxu.Az-ın əldə etdiyi məlumata görə, hadisə Quba-Xınalıq yolunda baş verib. Hadisədən sonra bir müddət yolda nəqliyyat vasitələrinin hərəkətində problem yaranıb. Məsələ ilə bağlı Baş Dövlət Yol Polisi İdarəsindən Oxu.Az-ın sorğusuna cavab olaraq bildirilib ki, hadisə bu gün səhər saatlarında Xınalıq yolunun 22-ci kilometrliyində baş verib: “Betonqarışdıran maşın aşıb. Hadisə nəticəsində ölən və […]
Azərbaycan millisinin üzvü İsveçrə klubuna keçdi – FOTO
Azərbaycan millisinin və İngiltərə “Vulverhempton”unun futbolçusu Renat Dadaşov İsveçrənin “Qrasshopper” klubuna keçib. Bununla bağlı İsveçrə klubunun rəsmi “Twitter” hesabında məlumat paylaşılıb. 23 yaşlı hücumçu Sürix təmsilçisi ilə 2+1 illik müqavilə imzalayıb. Willkommen in Zürich, Meritan und Renat! ?⚪️ ? Beide Spieler wechseln von den @Wolves zu GC und haben einen Zweijahresvertrag mit dem Zürcher Traditionsclub […]
Rayonlara yağış yağacaq, dolu düşəcək
Azərbaycanda sabaha gözlənilən hava şəraiti açıqlanıb. Milli Hidrometeorologiya Xidmətindən verilən məlumata görə, aprelin 22-də Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi, lakin axşam bəzi yerlərdə lokal qısamüddətli yağış yağacağı gözlənilir. Arabir güclənən şimal-qərb küləyi əsəcək. Havanın temperaturu Bakıda və Abşeron yarımadasında gecə 11-13, gündüz 17-19 dərəcə isti olacaq. Atmosfer təzyiqi 761 mm civə […]