Bakıda dənizdə batmaq təhlükəsi ilə üzləşən şəxs xilas olunub.
APA xəbər verir ki, bu barədə Fövqəladə Hallar Nazirliyinin (FHN) saytında məlumat yer alıb.
Bildirilir ki, Zaqulba qəsəbəsində qeyri-çimərlik (nəzarətsiz) ərazidə çimən şəxs qəfildən boğulmaq təhlükəsi ilə üz-üzə qalıb. Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin xilasediciləri həmin şəxsi xilas edib.
