AKTUAL

Dövlət Tərcümə Mərkəzinə yeni hüquqlar verilib

Azərbaycan Dövlət Tərcümə Mərkəzinə əməkdaşlarını dövlət təltiflərinə və digər mükafatlara təqdim etmək, onların həvəsləndirilməsi üçün tədbirlər görmək hüququ verilib.

APA-nın məlumatına görə, bu, Nazirlər Kabinetinin qərarı ilə “Azərbaycan Dövlət Tərcümə Mərkəzinin Nizamnaməsi”ndə edilən dəyişikliklərdə əksini tapıb.

Tərcümə Mərkəzinin İdarə Heyəti müvafiq olaraq Mərkəzin əldə etdiyi vəsait (dövlət büdcəsindən və dövlətə məxsus digər fondlardan ayrılan vəsait istisna olmaqla) hesabına işçilərə əlavə ödənilən həvəsləndirmə sistemini müəyyənləşdirəcək. İdarə Heyətinin sədri Mərkəzin işçilərinə mükafatların və digər ödənişlərin verilməsini əməkhaqqı fondu çərçivəsində təşkil edəcək.