Ailə ata-ana və övladların qarşılıqlı sevgisi əsasında var olan müqəddəs qurumdur. Hər bir ailənin öz qanunları, əxlaqi dəyərləri olur. Ailədə məsuliyyətli və əxlaqlı övladların yetişməsində əxlaqi dəyərlərin düzgün təbliğ olunmasının çox böyük təsiri var. Müasir toplumlarda inamlı uşaq və yeniyetmə tərbiyəsinə nail olunması üçün hansı məsələlərə diqqət edilməli… Müasir dövrümüzdə tərbiyə çox aktual məsələdir. Bu dünyanın şərindən və səhv yollarından qorunmaq üçün hər bir insanın hələ uşaq yaşlarında etibarlı istehkama ehtiyacı olur. Dediyimiz kimi ailənin öz qayda–qanunları olmalıdır və valideynlər bir- birinə münasibətdə övladları üçün canlı nümunə olmalıdır. Bununla onlar övladlarını necə görmək istədiklərini büruzə verməlidirlər. Bu cür tərbiyə almış uşaqlar öz hərəkətləri üçün cavabdehlik daşımağa hazır olacaqlar, öz xeyirxah nümunələri ilə daim başqalarına da ədalətli olmaqda kömək edə biləcəklər. Ailədə mövcud olan ab-hava valideynlərin qarşılıqlı münasibətindən əhəmiyyətli dərəcədə asılıdır. Əgər ata ilə ana arasında fikir ayrılığı mövcuddursa, bu ruh uşaqlara da keçir. Evdəki problemləri dəmir çubuqla deyil, məhəbbətlə yoluna qoymaq lazımdır. Uşaqlar məhəbbət qanunlarına tabe olmağa həmişə hazırdır. Fürsət tapan kimi, onların işlərini tərifləmək, diqqətinizin onların üzərində olduğunu onlara hiss etdirmək lazımdır. Məhz bunun sayəsində gələcək üçün özünə inamlı gənclər yetişdirə bilərik. Hər bir dövrdə ortaya çıxan problemlər ailəyə də öz təsirini göstərir. Hətta bu problemlər valideynlərin boşanmasına da gətirib çıxardır. İnkişaf etmiş ölkələrdə boşanma saylarının artması müasir ailələrin uğurlu olmadığı görünüşünü yaradır. Dünyanın bir çox yerində ata-analarının ayrılmasından təsirlənən uşaqların sayı günü-gündən artır. Bunun nəticəsində son illərdə ana-uşaq və yaxud ata-uşaq adlı yeni bir ailə tipi meydana çıxır. Bu da yeni problemlərin ortaya çıxmasına şərait yaradır. Müasir ailə anlayışına nəzər yetirdikdə görürük ki, ailənin funksiyası bir tərəfdən ailə-cəmiyyət, digər tərəfdən ailə-şəxsiyyət qarşılıqlı təsir sistemini əks etdirir. Cəmiyyətin sosial təsisat kimi ailəyə olan tələbləri təkamül nəticəsində dəyişir və bunun müqabilində onun funksiyaları da fərqlənir. Müasir ailənin yerinə yetirdiyi funksiyalar… 1. Nəsil artırma 2. Tərbiyəetmə 3. Təsərrüfat-iqtidası 4. Rekreatik-yəni qarşılıqlı kömək, sağlamlığın qorunması 5. Kommunikativ, yəni əlaqə, ünsiyyət 6. Tənzimləyici, yəni ailədə ilkin sosial nəzarət. 7. Yaşlı nəslə qayğı Müasir ailənin formalaşması və fəaliyyət göstərməsinə spesifik şərait təsir göstərir. Ailələrin qorunması üçün dünyanın bir çox yerlərində həmçinin ölkəmizdə bir sıra tədbirlər görülür. Problemlərin aradan qaldırılması ailəni daha möhkəm və davamlı edir. Ailənizi qoruyun. Expert Anar Əhmədov “Tərəqqi” Sosial Tədqiqatlar İctimai Birliyi Məqalə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə icra edilən “Gənclər arasında sağlam ailənin təməli haqqında maarifləndirici tədbirlər” layihəsi çərçivəsində hazırlanmışdı
Oxşar Xəbərlər
Dövlət Bayrağı Günü və Atatürkün anım günü ilə əlaqədar Anıtkabir ziyarət edilib – FOTO
Azərbaycan Respublikasının Dövlət Bayrağı Günü və Mustafa Kamal Atatürkün anım günü ilə əlaqədar Ankara şəhərində Anıtkabir ziyarət edilib. Bu barədə Diasporla İş üzrə Dövlət Komitəsindən məlumat verilib. Anıtkabiri ziyarət edən Azaflı Sosial Yardım və Mədəniyyət Dərnəyinin rəhbəri, vəkil Arzuman Azaflı və dərnəyin üzvləri əvvəlcə Mustafa Kamal Atatürkü anaraq, Anıtkabirə dərnək adından əklil qoyublar. Ziyarət mərasimindən sonra […]
Yunanıstanda anarxistlər universitet rektorunu döyüb, boynundan lövhə asdılar – FOTO
Yunanıstanda anarxistlər Afina Universitetinin rektoratını ələ keçirərək, rektor Dimitris Burantonisi döyüblər. Bu barədə “RİA Novosti” xəbər yayıb. Bildirilir ki, bundan sonra qanun pozucuları rektorun boynundan üzərində “həmrəyliklə zəbt” sözü yazılan lövhə asıblar. Onlar bu addımlarını skvatterlərin müdafiəsi aksiyası adlandırıblar. Bundan sonra anarxistlər rektoratı dağıdıblar, həmçinin divarlarda öz simvollarını çəkiblər. Yunanıstan Mülki Müdafiə naziri Mixalis Xrisoxoidis cinayətkarların başı […]
İlham Əliyev Blinkenlə azad olunmuş ərazilərdə kütləvi şəkildə basdırılmış minalardan danışdı
Prezident İlham Əliyev Azərbaycanın işğaldan azad olunmuş ərazilərində Ermənistan tərəfindən kütləvi şəkildə minaların basdırıldığını və müharibənin başa çatmasından bəri 240 nəfərdən artıq vətəndaşımızın mina partlayışlarında həlak olduğunu və ya sağlamlığını itirdiyini bildirib. Bu barədə Azərbaycanın dövlət başçısı iyulun 25-də Amerika Birləşmiş Ştatlarının Dövlət katibi Antoni Blinkenlə telefon danışığında qeyd edib. Xeberal.az