Sergey Skripal və onun qızı Yuliyanın zəhərlənməsi tarixçəsi 5 qəpiyə də dəyməz.
Axar.az xəbər verir ki, bu sözləri Rusiya Prezidenti Vladimir Putin deyib.
“Kəşfiyyatçılar və əks-kəşfiyyatçılar arasında baş verən bütün bu didişmələr ciddi dövlətlərarası münasibətlərə əsaslanmır. Çünki bizdə deyildiyi kimi, bu casus “boğuşması” 5 qəpiyə də dəymir. Yaxud 5 funta… Dövlətlərarası məsələlər isə milyonları, milyardları əhatə edir. Məgər belə bir miqyası digəri ilə qarşılaşdırmaq mümkündürmü?!” – deyə dövlət başçısı bildirib.
Xatırladaq ki, Rusiya Baş Kəşfiyyat İdarəsinin keçmiş zabiti Sergey Skripal və qızı Yuliya Britaniyanın Solsberi şəhərində naməlum şəxslər tərəfindən zəhərləndirilmişdi.
London bu olayda Rusiya kəşfiyyatının əli olduğunu iddia edirdi.