Bu gün səhər saatlarında bölmələrimiz tərəfindən həyata keçirilən tədbirlər nəticəsində düşmənin dərinlikdə olan mövqelərinə, avtomobil texnikasına, dayaq məntəqəsinə, artilleriya qurğularına və canlı qüvvəsinə zərbələr endirilib.
Xəbəral.az xəbər verir ki, bunu Müdafiə Nazirliyinin mətbuat xidmətinin rəhbəri Vaqif Dərgahlı deyib.
“Sadəcə, düşmən itkilərini gizlətməyə cəhd edir. Lakin yəqin ki, yaxın saatlarda bu barədə məlumat verəcəklər. Xalqımız bilsin ki, bölmələrimiz şəhidlərimizin qanını yerdə qoymayacaq və cəza tədbirləri davam etdiriləcək”, – polkovnik bildirib.
