Qaydalara əməl etməklə bağlı öhdəlik DİN-ə tapşırılıb. Lakin sosial məsafəyə əməl etmək vətəndaşların da öhdəliyidir.
XəbərAl.az xəbər verir ki, bu sözləri Nazirlər Kabinetinin mətbuat katibi İbrahim Məmmədov Operativ Qərargahın brifinqində deyib.
O, həmçinin qeyd edib ki, son günlər vətəndaşlarda yalan xəbərləri dəqiqləşdirmək vərdişi formalaşıb:
“Son günlərin hadisələri göstərir ki, insanlar yalan məlumatlara inanmırlar. Bu hallar nəzarətdədir. Hüquq-mühafizə orqanları bununla bağlı tədbirlər görür”.
TƏBİB sədri Ramin Bayramlı isə əlavə edib ki, vətəndaşlar yalnız rəsmi mənbələrə inansınlar.
