Dolar :  1.7023
Avro :  1.9092
Rusiya rublu :  0.0299
HAVA HAQQINDA
hava haqqinda

BAKI23°C

- Xoş Gəlmisiniz Saytımıza.

SON DƏQİQƏ
1

Azərbaycan Premyer Liqasında baş məşqçilər dava etdilər - VİDEO

23-09-2018, 08:51
Ana Səhifə » İdman » Azərbaycan Premyer Liqasında baş məşqçilər dava etdilər - VİDEO
Azərbaycan Premyer Liqasında baş məşqçilər dava etdilər - VİDEO Azərbaycan Premyer Liqasının V turuna start verilib.

Oxu.Az xəbər verir ki, açılış matçında Bayılda “Səbail” “Sabah”la heç-heçə edib - 0:0. Turnir cədvəlinin lideri “Neftçi” isə səfərdə autsayder “Zirə”dən üstün olub - 2:1.

Zirə qəsəbəsində baş tutmuş görüş insidentlə yadda qalıb. İlk hissənin sonlarına yaxın “Zirə”nin baş məşqçisi Samir Abbasovla “Neftçi”nin italyan çalışdırıcısı Roberto Bordin arasında mübahisə yaşanıb.

IV hakim olan FIFA referisi Ömər Paşayev bu barədə baş hakim Rauf Cabbarovu məlumatlandırıb. Nəticədə hər iki məşqçi texniki zonadan qovulub. Məşqçilər görüşün qalan dəqiqələrini tribunadan izləmək məcburiyyətində qalıb.

Oyundan sonra keçirilən mətbuat konfransında hər iki baş məşqçinin bu məsələyə münasibəti fərqli olub. Roberto Bordin hərəkətindən peşman olduğunu etiraf edib:

“Bunu münaqişə kimi qeyd etməzdim. Sadəcə, bir-birimizi başa düşmədik. Hərəkətimizlə komandamızı pis vəziyyətdə qoyduq. Bu hərəkətimə görə peşmanam”.

Samir Abbasov isə Ömər Paşayevi ona qarşı qərəzli hərəkətdə günahlandırıb:

“O, may ayına qədər məzuniyyət götürsəydi, rahat olardım. Ola bilər ki, gözü zəifdir, ancaq bir tərəfi görür. Ehtiyat oyunçular skamyamız digər tərəfdə olsaydı, yəqin ki, belə olmayacaqdı”.

Qeyd edək ki, bazar günü tura “Keşlə” – “Sumqayıt” və “Qarabağ” – “Qəbələ” görüşləri ilə yekun vurulacaq.

XəbərAl.az
  • Oxunma Sayı 8860
  • Facebook Hesabınızla Şərh Yaza Bilərsiniz

    Babashov.info